呢間乜差學校黎架

上次讀個科HR已經差到無倫,估唔到真係一山還有一山高,今次係衰過上次十九幾萬倍!!!!!!!!我唔敢話今次係衰到貼地,因為始終未到最後一科,分分鐘有D更加 "芹" 既野出現都未定!!!

我唔明點解一間學校可以咁冇planning,話改就改,突然間體會到以前讀中史d衰皇帝成日有新法例,仲要朝令夕改,令到d人民根本適應唔到!我而家徹頭徹尾就係呢個境況!!!!!!!!我知我呢d所謂既degree一定唔可以同d正統大學比,亦都冇咁必要去比,但點解唔可以正正常常先?

第1堂(6sep)返學話比我地知呢科只係得一份individual assignment同exam;

第2堂(13sep)話要係個份assignment入面抽一個example出黎present 10分鐘 (on11oct/18oct);

第3堂(20sep)突然話人太多,要group present,但其實係各有各present自己個example, group mates間係唔需要任何交流,唔明點解要話group,問左幾萬次個答案都係話: 總之唔好理,記住係individual assignment + group present。最嬲係一早都知呢班有幾多人,點解要開左學先話人太多?究竟諗呢個excuse既人有冇用腦架呢?

第4堂(27sep)有個lecturer由Glasgow黎香港教我地,佢突然又話不如sun present啦, fji#27%81ky$ua#uyw, 勁想diu 7佢,點present呀大佬,無端端早左2個weeks叫人present,chi gun架?

第5堂(28sep)佢又話如果sun返唔到學要返工既人可以send email比佢, attach個power pt就得喎,咁係人都唔返啦,係米on居架!

究竟有冇同香港個tutor communicate架,大家好似唔知大家想點咁既!如果sun present左,咁11號同18號又有咩做先? 唔好成日返去冇野做,叫我地自己discuss 3個鐘啦,大拿拿200蚊一個鐘架!!!!!!!一係叫我唔洗返但又計我attendance咁又唔同,但又唔係喎,迫人返去呆坐,真係好x嬲呀!

已經投訴左,但學校就咁話而家confirm係group presentation同individual assignment。喂,大佬呀,我夠知啦!我而家係投訴點解成日改兼做野冇計劃呀,唔係問而家要做d咩呀?點解咁簡單都唔明?係米咋傻扮懵先?真係嬲死我!我會再投訴架,一定會!我發誓!!!!!!!!!!!!!

平時每次完左一個course學校都會叫我地寫comment,除左上次個科HR我有係咁易寫過之外, 我次次都唔寫,今次我一定寫到佢勁衰!!!!!!!!!!!!!!!!

真係好嬲呀....嬲到我癲左!!

好想去旅行啊!!!!!!!!

我幾時先有大假可以放呀?

好想去日本,泰國,德國,希臘,法國,意大利,英國.....

好多好多... 

每次去旅行我都有帶日記,因為我想記下旅行中的點滴,

打算返到香港時一定要打上blog,不過從來沒做過,通常不了了之 

去旅行我好怕趕鴨仔式的,我喜歡逛逛這逛逛那,累了就坐低歇歇,寫意一點,

不一定要到過所有的旅遊景點才叫旅行, 有時感受一下異國的文化和生活,

我覺得更滿足。

不過,無論去到哪裡,我都堅持一定要shopping,買些特色野。

若然去到日本,除了玩食之外,買一定不可缺少!!!!!!!!!

下一站,我好想到日本玩+買衫褲鞋襪。

我發誓,一定要去呀!!!!!!!!!!!!!!!!!!!!!

突然間好想染髮呀!!!!!!!!!

• 以前成日都會搞下個頭,但呢2年半黎淨係染過一次藍色同染返黑咁大把。
  我記得個次係同jamie去左TST一間salon整頭髮,個間野好多oz人都去架,
  我仲染左藍色part light, main point係紮左個髻就見唔到藍色,
  但放頭髮落黎之後又見到,仲要幾靚下架 
  不過好快就甩晒色,d頭髮開始變金之後仲變埋白色 勁樣衰
  唯有快快手染返黑啦.........
  一路都覺得自己黑頭髮幾好睇 
  但開始有d悶又好想搞搞佢
  但我呢d成日要接觸客既可以點搞呢?
  要有變化得黎又要大方得體,好難姐 
  我而家好努力咁忍手唔剪短d頭髮,
  我今次一定要留長,打破呢14年黎都係短髮既命運!!!!!!!!!!!!!!!
  
  
  
  
  其實而家已經破左紀錄,但我覺得唔夠,要再長d先得!!!!
  加油呀~~~~~

怪癖

我發現自己有個好奇怪既飲食習慣,

就係鍾意飲隔夜湯!!!!!!!!!

新鮮煲好既我都會飲既,一碗咁大把囉,

但若然係隔夜既,通常會飲2碗,都時會飲3碗tim呀!

始終覺得隔夜湯好味d入味d 

STUPID?

是我太蠢嗎？

還是太易相信人？

一肚火 x 10000000000000000000000times

今日返學已經好嬲架啦,返黎打左成篇野,竟然冇左!!!!!!!!!

激死我呀!!!

        

返9放5個果禮拜,我會好開心!!!!!!!!!

尤其係我6點返到屋企,見到d朋友仲online緊未放工,

我會好衰格咁樣同佢地say hi,

個一刻我個內心好想大叫一聲:

    爽 

女人愛美麗

以前我都好樂意個個禮拜去做facial,

個時比而家貪靚100倍,

但人越大越多時間就好似越懶越唔想搞咁多野。

數數下,好似好耐冇做facial,即使係屋企有時間都唔會敷mask,

因為覺得好麻煩,通常都係一兩個月先做一次,

有時覺得橫掂平時唔做d皮膚都係咁,

不如索性唔好搞咁多野啦, 呢個可能係我懶既借口 

我係個d一係唔做,要做就要由頭做起!!!!!

磨砂,深層潔面mask,保濕,修眉,乜q都做,

有時仲要做埋 hair mask, body massage,

咁搞法,通常要個幾2個鐘 

有時都覺得咁樣好side時間呀。

不過今日超級懶,淨係敷左深層潔面mask ja....

下次先做其他啦。

因為平時好少敷,基本上一支野可以用超過一年,

有時都會好擔心...會唔會過期架呢,

唯有每次都吱多d用多d黎確保質數啦 

死神再3來了

終於睇左喇!

之前都有係戲院睇1同2,所以3上時勁想睇,但冇人陪,

等到今個weekend終於有人陪我睇,好野!

其實我好怕睇呢d戲,有d鏡頭會令到自己精神緊張,而且最怕個d恐怖野。

所以好多時我都要用手遮住,係d手指隙度睇,咁先冇咁驚。

佢d shot好鬼衰,有時覺得就出事喇,但偏偏又唔係,反而係另一個人中招。

睇完真係心血都少d!!!!睇黎都係睇少d呢d戲,睇返笑片算啦。

咁快又2年喇!

今日叻姐sent sms比我,原來我地識左2年。

2年前大家都傻下傻下咁,, 一齊係ka house training,

lunch之後有時會坐係出面,對住個海吹下水,個時真係好開心。

原本十幾個人一齊train KA,唔知仲乜,我地6個比人抽左出黎去學BR個system,

有d比人賣豬仔既感覺,個時會話可能我地太醒,所以比人揀選出黎呢 

記得落更個時,大家都好緊張,不過做做下,其實都ok,

係有時會發溫,無端端爆鑊!!!

個時一齊開檔一齊食飯,真係好開心,

但隨著大家都要入唔同既team亦開始少左見lu.....

之後...一個一個咁走....同期既應該得返叻姐同排骨....

你地要繼續努力,唔好爆咁多wok呀!!!!!!

話咁快我就離開左hais一年,幸慶我地大家都仲有心去維繫,

得閒真係要出多d黎呀,不過打牌唔洗預我啦~

換句話講,我係呢間公司就黎做左1年,

由我返第一日開始我就覺得好悶好無聊,成日嚷著要轉工,

但.....究竟我最想做既係咩呢?

答案:中六合彩,唔該! 

gOOd shOw

尋晚冇返學走左去睇側田個音樂會,

個show好正喎 

我都勁high!!!!!

涼浸浸

自從星期六落左一場大雨之後就涼左好多,

之但係呢個summer我仲未去過沙灘喎。

以前返工返到晝夜不分既都假假地去到一次咁大把,

咩事我而家返d咁stable既工偏偏去唔到游水?

有幾次執好晒野,但最後都冇得去! 要死死地氣執返d野出黎放返好,好灰。

究竟我幾時先可以去沙灘呀??

不過涼涼地我又好鍾意,覺得好舒服,

我真係好鬼煩架姐 

hh

好耐冇去過hh喇,今日同manager去左飲返柸,好鬼爽。

最正係佢有free drink coupons之餘又請左我食飯,開心死 

同佢傾完之後,仍然前路茫茫,唔知點好。

點解我份份工都做唔長既,做夠一年我又想轉工,

仲要想轉返d on shift既工,太stable既好似唔適合我咁。

其實由返呢份工既第一日我已經覺得好悶好想轉,

但為左讀書都做到而家,有時都唔知想點,好煩。

最心煩係....究竟呢個tourism industry仲有咩好做呢?

諗到頭爆都諗唔到 

有冇咁大雨先

sat放工個時好q大雨,仲要係45度角咁吹埋黎,

我已經有擔遮架啦,但成個背脊,pat pat,鞋同埋襪都濕晒,

好辛苦,搞到我有d燥,係度扭計 

拿拿臨食個飯買返對襪租返幾本漫畫就返屋企lu,

落大雨真係唔適合出街,哩係屋企hea就最開心。

Ms OUT

我終於都睇左nana喇!!!!!!!!!!

係就係遲左d....不過好過冇啦。

我睇漫畫d人明明好型好punk,咩解究電影個d咁7架,

得中島美嘉一個型咋!!!!!

最唔掂係伸夫...真係一百個唔掂。

如果香港拍nana,我想由hocc黎做就最arm,

因為大家都好型啊 

嚇q死我

今日返公司換換下uniform時竟然有成隻手指尾咁大既蟑螂係我腳邊!!!!!!!

嚇死我,但又唔可以大叫,因為我怕有人會衝入黎睇我咩事。

唯有快快手著好3沖出去拎支殺蟲劑黎噴佢,

勁噴勁噴之際,隻死野又出返黎,

我忍唔住尖叫,閃人,但仍然好敏捷咁關埋門,

再係門縫中噴佢!!!!!!

等我manager返黎之後,我即刻同佢講,

佢入去睇,隻野已經暈左係地下,

可能我真係噴得太多,但我真係好驚呀,

我一見到呢d昆蟲就會周身痕,好q慘 

因為我有個慘痛經歷。

話說我訓訓下覺覺得隻手好痕,我撥一撥啦,

feel到有d野,即刻起身開燈,原來又係手指尾咁大既蟑螂係我隻手度行!!!!!!

shit..頂佢個肺, 搞到我到而家,咁多年後都仲記得個種痕 

點解公司成日有蟑螂架,

我好想係d冇蟑螂既公司返工,

唔想日日提心吊膽啊。