大

日

子

!

2006.10.24

exam..................終於完左...

辛苦左成個禮拜,可以休息下lu....

真的好累 

2006.10.23

10000000000000000個surprise!!!!!!!!!!!!!!

呢個index係我自己評估既...

明明check過schedule係1845到...點知晏晝打比叻姐問時佢話ETA1827,bay27 lor....我又放6點...實去唔到接機啦...唉..即刻down晒...人地明明plan晒架嘛..之後我扮晒野咁同sales manager講佢又比我早少少走喎..勁開心..

我由公司跑去地鐵站,又係中環站跑去機鐵站,可能太少做運動,跑到有d暈,但竟然.........趕唔到6點個班車呀激死我!!!!!! 唯有搭12分個班啦...心諗...頂! 去到都搭9啦,仲要行過去...搭搭下....搭8就到喇喎...係喎...差d唔記得23分直達機場tim 

一離開機鐵即刻打比honey....佢話arm arm落機喎...

我怕比佢知我黎接佢,扮晒野叫佢幫我買野....hehheheheee...其實有時我都好醒的!!

總結: 今日mission成功!!!!!!!!!!!!! 仲有bouns...我自動自覺買埋經濟日報....我有時都覺得自己好細心...wahhahahahahaa

不過我都收到手信一大袋!!!!!!!!!!

返到屋企仲要溫書prepare個考試...心思思又拎d手信出黎睇,...忍唔住點左香薰諗住有個好d既氣氛溫書....其實呢d都係藉口..我只不過係新屎坑,...係都要拎d野出黎睇下玩下

2006.10.22

一個男人如果要用武力來發洩心中恕火會否太可悲?

是否火遮眼就可以打人?

無論幾嬲,出手前可否想一想?

這一巴不但打走了感情,愛,還有大家的信任。

當我親眼目睹時我覺得心很痛....

我討厭暴力。

Madam Liz....HAPPY BIRTHDAY!!!!

尋晚同左細飯,叻姐,may loud, 同阿liz食飯慶祝佢生日...

好耐冇見lu...聽佢講左幾單大野..好好笑...冇錯! 係好笑唔係驚個d感覺

我記得有次食飯佢講d跳樓case呀又死人又乜又物...勁嘔心...

下次都係講下風化case啦...有興趣好多 

最鍾意聽埋一d同案情冇關但又好想知既野...hahahhahaaa

可能真係好耐冇見...大家都好多野講...傾左3個鐘...不過其間may,叻姐,liz拎左部nds出黎玩

我冇帶...冇得玩..........好在april都冇..如果唔係冇人理..

下次一定要一齊出黎打機先得!!!!!!!!!!!!!!!!

不過好可惜...尋晚冇影相...唔記得用叻姐部320萬像既電話影tim 

仲有.....doris再次放飛機...今次已經係唔知第幾次喇

我要記低佢既罪證!!!

上一篇日記我先話thu去打邊爐, fri去食buffet....明明係好正架嘛

點知兩度都冇得去...真係吹漲 

study week

今次考試冇tips,唯有靠自己。

我由sun開始已經拎d書出黎架喇,不過第一日通常溫唔到d咩野,

當執下notes同書,睇下有咩野係一定要讀既就算lu....

mon我都仍然係做緊呢d野 ......

唔緊要唔緊要...我今次比之前早左幾日開始睇架喇...應該夠時間既,,,

我仲plan好左每日既進度,好理想的,

但我尋晚先醒起, thu我要去打邊爐, fri要食buffet....(諗起都happy )但我plan左每日要溫一課架bor....

當務之急係每日溫夜少少,再加上係公司偷時間黎溫應該ok...

但今日忙到嘔...而家先有d d 時間比我做下私人野....

忙係好事...但係我周身唔得閒先黎忙.真係唔聽話!!!!!

而家勁期待星期5既buffet,我已經plan好晒食d咩架啦

雖然我未去過,但我上網睇左有咩食lu...

我今次一定要食好多好多隻蟹先得!!!!!!!!

上次我紅眼症去唔到...仲要比阿may sent個sms黎寸我...

我今次一定要叻返次先得 

p.s 打完呢篇野又即刻忙到癲..下次都係唔好亂講野lu..

香噴噴

今日係屋企整理好晒d書同notes....一整就整左幾粒鐘 

因為我一路聽森美小儀一路整,

有時聽聽下仲停晒手坐係度笑  好似好dai b咁

整好晒諗住開始讀啦....但已經好累lu...

用個橙味沖返個涼成個人即刻醒晒...

好香呀....我而家變左一個橙呢......hehehehe

燥到爆,原本好想打一篇粗口發洩下，

但沖左涼之後個人又好似冇咁嬲，又唔想影響自己形象，都係算啦。

我明呢個世界係有d咁既人，係我自己未夠成熟．．．．．．．．

點解我做呢行個人都仲係咁屈咁燥，

唔怪得之阿may話我： 都唔化既！！！

點先可以好好控制下自己既情緒呢？

2weeks to goooooooooo!!

5星級的家 DAY 3

其實都冇咩特別....但為左唔想爛尾,唯有係咁易打d野。

出左去食lunch....又係叫左好多野食,仲叫左西洋菜煲豬肺tim呀,

好大煲,每人飲左4碗都飲唔晒,洗唔洗咁多呀 ~.~

返到屋企又睇dvd,海神號,好睇呀!

之後我地就搭6:15車返hk lu....

呢個假期做得最多就係食同埋睇dvd.....勁relax 

5星級的家 day 2

10點幾醒左但又唔想郁,係都要攤到11點幾先肯起身刷牙。

原來諗住今日落廣州行上下九同埋食XX樓,

但我一聽見要坐2個鐘車,來回4個鐘,我就卻步了,

因為我唔想坐長途車嘛,所以去左市僑做下massage。

我地去左一間好靚既西餐廳食飯,

入面暗暗地好似好浪漫咁  ,,,我地食左steak,好味道呀!!!!!!!

食到勁full, 諗住行一陣先去按摩啦,

點知途中見到有d婚紗野睇,仲有catwalk tim呀!!!

arm arm開始咋,第一個model樣似彭單但又好有台型喎,加上我地冇野做米睇囉,

有個model都幾cute,好似日本個d style, 之後有個好似stephy架!!!!

估唔到都ok好睇喎 

按摩個度,用左牛奶 XX 黎浸腳,佢話可以白滑d喎.....hehhehe

按我上半身時我d骨啪啪聲嚇死我呀!! 之後勁按shoulder...好爽呀!!!!!!!!!!

做完晒,腰骨都直d,行步路腳都輕盈d.....真係勁勁勁開心!!

買左好多dvd返去睇! 睇左 "click"...好睇呀,睇到眼濕濕...

工作係緊要...但有時家人都好重要架嘛, 唔可以下下都唔理家人,要睇場合既。

夜晚個餐飯食得好滿足呀,

有煲仔飯,炸雞翼,燒秋刀魚,燒魷魚,燒九菜,燒雞翼........叫左勁多野

佢d燒野真係好好味,好味到唔停得口呀!!!

而家諗起都想食 

返到去又睇多2隻dvd先訓.....咁又2點幾lu....

zzZzzZZZZzzzZZ