做節做到冇力

尋晚屋企做節,有好多人食飯:

爸爸 + 媽媽 + 阿哥 + 女朋友(都係尋晚一齊係台灣返黎咋) + 我 + honey + 阿妹 + 佢honey!!!!

第一次咁人齊,因為我地3兄妹以前拍拖都冇帶過另一半返屋企食飯,

唔知係米人大在,而家咁樣食飯都唔會覺得尷尬。

返到去,我係有幫手做野的,洗下筷子洗下柸拎下送,

之後阿媽話煮蝦,我要食白灼,阿妹要食茄汁蝦,

咁我唯有拎幾隻出黎自己灼啦,

原來係廚房煮飯好q熱架,

加上又返左一日工,我覺得好累!

終於煮好晒,可以食lu....我最鍾意食蟹架啦,勁食勁食,真係好好味!

媽咪話買左3隻雞,有6隻雞脾,可以一人一隻,

但我阿妹一個人就食左3隻喇...有冇咁誇先,

好在我唔太好,食唔食都得,如果唔係我地又爭餐飽!

食飽之後,我已經好累了,

但我仲要幫阿哥女朋友換床單,之後又要換埋阿妹個張, 

雖然我唔係做左好多野,但原來放工返到屋企仲要做野真係100000級累呀!!!!!!!!!!!

同阿媽一齊住真係好.......

講返阿哥先,佢過左台灣讀書之後仲係個度做野,

而家個女朋友係台灣人,

我用我個d唔多掂幾國語同人講野,

我想問佢飲唔飲野啦,

我就話: 要不要喝一點.....

但我諗唔到 "野" 既國語點講....即刻啞左...究竟我要點問先arm呢?

事後我覺得自己問黎都side氣, 因為我地都冇買氣水!!!!!!!

得阿哥買返黎既酒之嘛!!!

上次阿哥返黎時我叫佢買chivas佢冇買,

今次我叫佢買champagne佢又唔買,

反而買chivas同埋一支冰酒比我!!!!!!!

激死! 我冇飲chivas好耐啦...我鍾意champagne多d喎,

不過個支冰酒都幾好味,甜甜地,但daddy話太甜,

咁arm晒,比我飲最好啦....hehhehehehehhee