少少感受

深雪本散文睇左少少又冇睇, 反而睇完佢篇小說. 今次佢本小說冇以前個d咁恐怖, 反而帶出左少少訊息咁, 一個美女千方百計咁去討好一個男人, 反而令個男人好討厭佢; 另一方面, 一個受左咀咒既女人變得好醜樣, 但佢冇為左個男人而失去自我, 反而識得點樣去表演自己. 雖然個男人2個都唔鍾意, 但佢都揀左樣衰個個. 點解? 因為佢欣賞有自主既人. 其實個故事仲有下文, 不過呢個唔係重點.

我只係覺得, 一個女人無論有幾咁鍾意對方都好, 都唔應該改變自己純粹為左迎合對方. 如果冇左自我, 辛苦個個會係自己之餘又唔代表對方一定會對你死心塌地.

今日佢話覺得你長頭髮好睇, 2個月後可能又會話你短髮靚d喎, 過多3個月又話不如染紅色啦....如果對方真係鍾意你, 佢會尊重你而唔係要你變成佢心目中咁既樣

記得之前睇/聽個一個故事, 有個女人日頭樣衰, 夜晚好靚. 唔記得點解有個男人娶左佢, 個女人同男人講而家佢有得揀, 你想我日頭靚夜晚衰, 定係日頭衰夜晚靚? 男人話: 我尊重你既決定. 結果, 個女人決定一日24小時都以靚樣示人. 因為個女人覺得一個識得尊重自己既人令佢覺得自己好幸福.

近排又睇返書, 所以變得咁law saw. 而家又睇緊芝c菇bi本散文, 有d寫得好抵死. 好在當日佢自殺唔成, 如果唔係我今日都冇得睇佢呢本好書.