買左好多野,究竟個慳字點寫?

下個月會去沙巴, 又玩激流, 潛水呀, 浮潛個d好貴, 諗住今個月慳d洗, 估唔到我只堅持左幾日, 又打回原型走去買左野! 係, 我又買 skin care 野喇...其他人可能鍾意買衫褲鞋mug個d, 雖然我都會買, 但唔係成日, 反而鍾意買cd, 書同埋 skin care 野. 今次我又失手係skin care了...

係langine買了 eye mask, 之後等人時入了萬寧hea下啦, 估唔到咁都會出事! 因為我見到agnes介紹我買個支loreal係萬寧減價, 比sasa平10蚊, 仲話買滿200蚊有多8折!!!!!!!!!!!! 開頭諗住算啦, 買一支野就好, 但諗諗下去沙巴都要買d身體既防曬嘛, 買2支野都成160蚊, 差40蚊咋喎, 冇理由唔買姐, 行下行下唔知買咩就拎左netrogena既 u & t mask$99.9有5塊都ok喎, 但比錢時折左都要2xx...其實我買一支野原本100蚊都唔洗架喎!! 女人錢最易賺呢句說話真係10000000% arm!!!

2xx其實唔係多, 之但係5日前我先係 origins 同 body shop 買左野, 幾多錢我唔敢係度講, 因為我怕比人斬 

但係呢....我仲差支面既防曬未買, 有人話shiseido好用, 但250蚊喎, 又有人話sofina好用, 又係要2xx,嗯....我用身個支黎查面會唔會爛面呢? 睇黎個天都係要我買多一樣野洗下錢先得架喇 

由今日開始, 我真的真的唔會再亂買野!!!!!!!!!!!!!!!!!!!!!!!!!!!!!!!!!!!!!!!!!!!!!! 同埋會少d出街食飯, 其實呢方面我唔擔心, 因為今個月我生日, 好多人話要請我食飯, hehehhe..咁我可以好好安排下d時間同朋友見下面之餘仲有人請食飯  係度講定一句先:

thank you so much!!!!!!!!!!!

題外話, 我平時好少會買 paper mask, 一黎我覺得貴, 2黎d size 成日都唔fit既都唔好用, 但今晚我用左個 u & t mask 我覺得好正喎, 100000 個 support呀! 下次再買, hahah