back from sabah

放完假返黎返左2日半工, 但個人仲未回魂lor, 尤其係第一日返工, 完全唔知d同事講咩, 總之就成個日都渾渾噩噩咁啦

不過唔知點解玩完返黎d皮膚勁差, 無論係面定係手都起晒粒粒, 真係唔知咩事, 好煩 -______-

我今次係第一次去沙巴咋, 玩左潛水同埋激流, 又去左紅樹林睇長鼻猴同埋螢火蟲. 不過d螢火蟲同我想像既好唔同, 我以為係入到去一個森林入面, 個度有個湖, 附近就有勁多螢火蟲係度飛, 伸隻手出黎會摸到佢地, 但原來唔係lor...佢地係d樹頂度架, 好似聖誕樹d燈飾咁既.....同埋我係坐係架船度, 睇2傍既樹同螢火蟲, 所以唔係好清楚呢....不過有樣野令我好開心, 因為我地係去左紅樹林度睇既, 個度乜都冇, 個天好大好大, 夜晚睇螢火蟲時最吸引我既係個天, 因為有好多好多星星, 真係漫天星空個隻, 因為個度冇光害, 所以見到好多星星, 個一刻我真係好開心, 可惜我係係船上, 唔係既話我好想訓係草地望住個星空享受一刻既寧靜同浪漫。

我仲去左潛水tim呀, 開頭要係岸邊學左幾個好重要既steps先. 換好潛水衫之後我地要咩住條有幾舊鉛既belt, 又要咩個氧氣樽, 咩晒之後我都起唔到身, 要個coach幫我的起個氧氣樽黎減輕d重量。係水邊練呼吸時竟然比魚咬!!!!!!!!!!!! 咬左我幾啖仲留血, diu la sing, 真係唔講粗口都唔得!!!! 阿教練話可能d魚以為係麵包喎, 有冇可能呀  練好晒d呼吸就開始潛水啦, 不過今次係試only..玩左陣就上岸食lunch lu...

之後就黎真啦, 去左海中心, 今次仲玩左30mins, 個海底真係好靚好多魚, 不過可能好唔慣用個口呼吸, 搞到我喉嚨好乾好辛苦, 之後仲開始作病tim...

去到沙巴人人都話一定要食海鮮同埋雪條. 咁第一晚我地去左食海鮮啦, 叫左2隻奶油老虎蝦, 2隻薑蔥crab, 2隻椒鹽瀨尿蝦, 一條魚, 一碟菜同2碗飯. 我以為d size同hk個d一樣, 點知樣樣都好大size, 根本冇可能食得晒, 尤其係條魚, 好似人地去飲個d咁大條, 結果好明顯係我地食剩好多野, 最side係剩左成隻crab lor, 魚又食唔晒, 瀨尿蝦又係, 菜同飯就更加冇可能食到......

今次玩得好開心呀, 可能係因為我好鍾意hea啦, 陽光海灘係我既至愛。