同左po ling食飯, 咁當然又去左我地既至愛手打烏冬啦!! 樣樣都想食, 叫左個2人餐之餘仲叫多左個香芒天蝦卷!!!
係等野食既時候, po ling問我個樣洗唔洗咁期待呀? 我話要呀, 勁想食蟹子沙律嘛, 仲有3文魚呢...hehe ..個烏冬依然咁好味, 湯又好味, 真係想倒左d可樂然後用飲筒飲湯算lu...食晒個2人餐, 但個香芒天蝦卷都仲未黎呀...個時已經好full, 我最多可以食到一舊咋, po ling又話飽喎, 唯有扮晒野同人講: 等咁耐, 我地唔要喇 !!!
但惡夢就黎了, 因為我成日同po ling講, 好想食香芒天蝦卷, 好想食好想食, 之後佢就頂唔順贈左我一句: 好x煩! 咩喎, 咁係好想食嘛...下次我一定要食到先得!!!!!! 下年生日我要係個度搞生日會tim呀!!
女人係米有男朋友之後對自己既儀容求其d既呢? 定只係得我一個係咁? 成日唔化妝, 又或者個妝都甩晒但又唔補唔理咁, 係街打喊露又唔用手遮住, 著3又是但, 個頭唔知點解成日都咁亂。d同事都成日問我仲咩披頭散髮咁返工? 其實我都唔知點解會咁 >.<
下次我會執下個樣先出街架喇