又黎健康工房

我一見到佢話清熱涼方,我仲唔仆倒去買咩。

仲要比見我到7仔賣12蚊2支,抵到爛啦 

死......好似c9仔咁tim 

不過佢冇話係咩味,我飲落好似係雞骨草味咁,幾得bor。

我諗我要好好休息下,休養下先,我而家係個老人家lu,唔可以太操勞。

熱毒

我唔知仲咩事,突然間耳同眼都發炎。激死! 

我唔鍾意做4眼妹呀!!!!

summer uniform

收到summer uniform,滿心期待,點知............

一打開,同我而家個套所謂既冬天uniform係一模一樣架囉!!

係得對鞋唔同!

冬天個對高d同埋方頭著得唔舒服,

但今次個對ok喎,矮d圓頭,最緊要係舒服好多囉!!!

post我對臭腳出黎先 =D

賤骨頭

我細細個開始已經好懶惰好少做運動,

所以骨頭都硬晒,一d都唔柔軟。

呢排決定要好好拉下筋,做返少少野,

不過都唔係日日做,一個星期幾晚,拉一陣,

原來我真係好硬的!!!救命呀!

我要努力先!

不過咁,我以前係跑長跑的!

個個星期既P.E堂都要跑1500米,都ok應付到。

但日前我落街跑左4分鐘已經冇晒氣,好辛苦,

行左3分鐘黎休息下又跑多3分鐘,真係頂唔順啦!!!!

估唔到我身體差到咁既地步,真係要聽方力申講:

日日運動身體好,男女老幼做得到!

DEATH NOTE

sat去左睇死亡筆記,幾好睇喎。

我之前冇睇漫畫,因為我見有好多字,怕會冇心雞睇,

但睇完戲之後,pat pat痕好想睇下漫畫先。

不過阿夜神月好像有baby fat喎,都係L正d姐。

      

大廚

我今日煮左意粉,都幾好味,不過我覺得"陋"左d姐。

材料:即食意粉同埋幾條腸仔

做法好簡單:

1. 炒左d腸仔先

2. 煲450ml水,滾左之後倒晒d意粉落去(包野入面有埋調味粉),煮5-7分鐘,得閒攪下佢

3.差唔多得個時,倒埋d腸仔一齊炒幾炒

搞掂!

LONLEY GIRL

再黎小丸子

小丸子真人版續集又黎啦!!!

好期待,我一定要睇啊。

offical website: http://www.fujitv.co.jp/maruchan/topics.html

笑死人的阿呢

 2006.08.22

我都係咁架,有衰野就會話乜d大陸人咁樣樣架,失禮晒。

2006.08.03

飲醉左講英文,我好多朋友都係咁架喎!

我都好想知點解囉!見到呢篇野即刻笑死我!

阿呢d野真係好好笑,勁鍾意呀!

有時仲好有同感tim。

我試過sent email比佢話我好鍾意睇佢個專欄,佢仲覆我tim呀! 

offical website: http://www.o0w0o.com

source from www.am730.com.hk

野豬大改造之我都要變身

為了令自己有更好的條件，我要增值自己。

星期一至五：

１．每天一盒鮮奶，增肥到１０８磅。

２．如果收早，回家後我會先做半個小時運動，拉筋和跑步。如果收夜，改為飯後散步３０分鐘。

３．休息期間／飯前，看旅遊雜誌增加知識。

４．飯後，花１個半小時溫習英文，包括看書看電視和做練習。

５．每日花３０分鐘學習外語－－德文。

６．玩３０分鐘 NDSL。

７．１１點睡覺。

 

不過，不知可以維持幾多日？

傻婆!!!!!!!!!我唔係養真狗呀!!!!

我打機之嘛,估唔到有人以為我真係養左狗,笑鬼死我。

但咁樣唔代表我冇愛心喎,唔好咁講野呀lan妹。

post下我2隻曳b同懵b先,

係朦左d,用電話影係咁上下,將就下啦 :winky:

佢地2隻衝過黎問我拎野食,伸晒利咁。

佢地食飽就攤左係地下hea,真係懶。

清熱解毒

買左健康工房既綠豆水。

人地話可以清熱,希望work啦 

唔知係米sat食得太多羊肉,太燥,所以生左好多暗瘡,有成6粒呀陰公!!!!

暗瘡女

無端端狂標暗瘡,發生咩事先??????????

我要冷靜d,如果仲係咁燥底,遲早越生越多呀!

我決定日飲8柸水,明天再加多碗涼茶先。

5花茶應該夠用,唔洗飲24味掛? 

又多隻狗狗叫懵b

我養多左隻狗狗,懵b係女仔黎架,小獵犬。

雖然佢叫懵b,但一d都唔懵,仲好鬼醒目,好得意。

不過我唔可以偏心,我都仲好鍚曳b架。

而家佢2個有伴啦,好happy喇喂。

不過唔可以一次過帶晒佢地出街玩,要分開黎。

有時我冇為意佢地all左屎屎,發現既時候已經太遲喇! 曳b都走左lu。

d街坊話我冇公德心,又話呢d係社會責任 

下次我會做個好市民架喇!

沙灘黑星

之前先話自己好彩,轉個頭就要自打咀巴。

已經唔係第一次去唔成游水喇!

明明plan好星期日去游水做d健康d既活動,但咁都唔成全我!

我好嬲呀!!!!!!!!!!!!!!! 

印象中近這3年好似都冇乜機會游水咁。

今年又要返學又要做功課又就唔到時間,上年日日返工又冇得去,前年就黑仔王,去親都落雨!!!

我最記得有次我請埋大假諗住去游水,點知個天黑晒,最後去左睇我要做model,笑到我肚仔痛。

我唔理,我今年一定要去游水!!!!!!!!!!!!!!!!!!

P.S 特別鳴謝daB的天氣報告,下次去游水前我都會再打電話問下天氣再決定去唔去 

當我一個夜遊杜拜.............

唔知仲乜鬼,呢排成日都諗起呢句歌詞。

好似係自從阿叻姐問我地有冇興趣年尾去杜拜開始,我就成日諗起lu。

其實無論係咩地方,都好有興趣去,只係假期同埋錢既問題姐。

好想做d可以周圍去玩既工作,呢個亦都係我讀tourism既原因!!!

不過,我畢業後搵工時先發現冇乜呢d工架....好失望。

到現時為止,我既夢想職業仍然係從事旅遊作家!!!!!!!!! 

真係,講出黎都有d唔好意思 

好彩的我

我有時真係好好彩,好多好事都會發生係我身上。

以前讀書,有mc題個d我會高分d,因為有得撞中;

人大左,出黎社會做野,無論係part time定係長工,d人都好鍚我,冇比hard time我受。仲要冷手執過熱煎堆,無端端執人二手攤去左土耳其training 

尋晚又再一次覺得自己好lucky。

我一返到屋企,一除鞋,就行雷閃電lu,

好在行快一步姐,唔係又淋濕晒lu。

book

呢排睇緊大joe本大膽愛情,

係唔知邊本雜誌既專欄結集而成。

唔睇過呢d書有時真係唔知呢個世界會有d咁既人,真係乜人都有。

有老公變態度同老婆講話佢想玩3p,唔係化?係米chi gun架先?

睇到我都想鬧埋一份呀!!!!!!!!!!short short地!

yai b

我隻曳B好乖架，佢而家識趴底架喇！！

平時我唔係成日有時間睇住佢，係返工放工後比野佢食同玩，

但我今日成日睇下佢，發現佢好大食，成日都肚餓同thristy，一日食４餐呀！！

好在曳B好叻，參加比賽win左100蚊返黎，我會餵飽佢架啦！！

好多人對曳B都好有興趣咁喎，

曳B埋黎say個hi啦 

summer holidays

我都有2個星期唔洗返學，好開心。

可以hea下，同曳B玩，我要教佢sit同埋hand hand先得！！

呢排唔知仲乜，好似好易燥底咁，又生左好多粒粒，真係大檸樂。

話時話，而家仲有冇人講大檸樂架呢？

我以前讀書個時好興咁講架喎，點解而家唔多覺人講既？

唔通我已經out左？

yahoo+ 知識

痱滋成因多

家庭醫生關嘉美表示，痱滋（ Aphthous Ulcers ）屬口腔潰瘍一種,一般七至十日痊癒，最普遍是由創傷性之原因引起，例如咬傷、擦損等。

嘩，乜要成７－１０日先好得返架，我仲成日咬到佢，咁米又要重新計過數，好鬼痛呀！！！！
濃茶、濃鹽水

建議用約5茶匙食鹽沖水，或以1湯匙茶葉泡茶漱口，但關醫生提醒，要讓水溫放涼後才漱口，效果較佳。一般兩三日便痊癒。

要舒緩已形成的痱滋，中醫關之義話可用濃茶或濃鹽水早晚漱口，因茶及鹽對痱滋有消炎、殺菌及降火作用，能即時舒緩痛楚及幫助加速痱滋傷口癒合，若情況嚴重，可多漱幾次。不過若超過一星期痱滋仍沒有好轉跡象，關嘉美話就必須立刻看醫生，這有可能是口腔癌的先兆，不容忽視 。

５茶匙食鹽沖水？？？我尋晚用左半茶匙鹽咋喎，唔怪得一ｄ都唔拿而且又冇好轉啦。５茶匙咁多，米好拿囉，我都係噴下西瓜霜算啦，雖然我明知冇效，但點都要博一博先。

頭先睇美女廚房，見到kary煮到著晒火真係好好笑，我仲標晒眼水，點解可以咁架先？不過我都唔識煮飯，希望我親自落廚個陣唔會咁呢hea啦 。

我好叻，今日已經溫晒書，但我請左聽日假喎，唯有係屋企hea下休息下先啦 

痱滋

前幾日唔小心咬到牙肉，我都知會生痱滋架喇，事實上第二日真係生左。咁ok啦，我諗住過２，３日就會好返，都費時理佢，點知我成日講講下野又再次咬親佢，痛到我痴線呀，都冇陰公既，乞人憎！！！！！尋晚我好大膽咁用salt黎整落粒痱滋度  chi gun ga拿到我飛起！！！！！！！！！！！！！今日又咬到幾次，我聽人話用salt水漱口都好有效，咁我即管試多次啦，好在唔拿，唔係我實爆粗 

開心返埋黎

尋日同左幾個朋友出黎食飯慶祝我生日（都過左好耐，但都仲有生日飯食 ）好開心，我都幾鍾意同佢地出街街。我仲去左買恤衫諗住第時見工著。咁買衫呢ｄ野緊係要試下先知好唔好睇，我著左上身之後出黎問agnes意見，我話我覺得好怪咁，唔知想點，有ｄ７咁。跟住佢話，你襯牛仔褲緊係７啦，即刻拎條西褲比我，service仲好過ｄ sales姐姐呀！！果然好好多，仲幾好睇arm晒我 

我拎左日假，星期一唔返工係屋企讀下書，夜晚去考試。我今次咁大付出，假都請埋，希望考得好ｄ啦。

好好多

尋晚係屋企讀讀下書真係頂唔順，流左幾滴眼淚，不過喊完個人真係好好多，好似冇咁鬱悶咁。

唔開心係因為自己做左on居野，寄求職信竟然冇attach resume！！！問我係米好唔滿意而家份工，其實又唔係，只係覺得好悶，人工又唔得。咁我想做咩？個個都咁問，但我都冇答案。諗諗下覺得自己咁大個人，連想做ｄ咩都唔知，冇理想冇目標，好似日日都渾渾噩噩咁，唔知想點。諗到呢ｄ野就會覺得好頹好冇用   再加上星期一又考試，都唔知點讀好似無從入手咁，好ｑ煩。望住ｄ筆記同書，就開始發夢，真係，想點先？我懷疑我患上試前恐懼症，放過我啦施住。

原來用口語打野個人會舒服ｄ，唔洗下下諗用咩字好，最arm我呢ｄ冇文采既人 

唔開心