瘋人瘋語

今朝搭巴士返工時有2個怪人上車, 男個個一上黎就問幾錢呀, 司機都未答佢就衝左上樓上, 女個個就話用8達通過數得唔得, 點知又冇錢, 佢就企係度拎散紙, 司機叫行入少少因為佢阻住個倒後鏡, 個女人即刻話我拎緊錢呀, 好快架咋, 等陣啦, 搞一輪佢又話我都係坐下先一陣比。

但佢坐左我隔籮, 左手邊。有陣味 >.<

我右手邊個女仔講緊電話..話考試

個傻女人話考試? 我都識啦, 唔著衫都得呀 
之後又話佢都幾靚喎, 仲靚過我, 條眉紋得幾靚丫

之後又問司機, 幾錢呀, 我比多1蚊

全程自己同自己講野, 又好似同其他人講野咁..

佢勁講, 我又夾係中間, 好驚喎大lu

終於都到kwai fong, 佢大叫, xxx 你好落返黎喇, 唔係唔理你, 你唔識路冇得返屋企。

大lu..唔好係我耳邊大叫pls!!!!!!!!!!

臨落車佢話: 我而家返屋企襯我老公未起身係佢銀包偷300先

em....其實我唔想知lor, 唔該唔好講出黎

基本上我係扮訓覺, 我好驚佢同我講野lor..但點解我咁mo liu又聽晒人地講野之餘仲post出黎?