見工 + 食飯

17apr放工之後去左見工, 其實都知去到要做個 logical test, 我開頭以為好似 asia miles咁做下d attitude test, grammer 個d咁, 原來唔係!! 佢真係一個 "logical" test 黎架。其實好多差唔多既questions, 比幾個字你, 問你邊個字同其他唔一樣, 做到我個人呆呆地, 反而數學題好似易d。跟住仲要寫2篇短文, 又有好多case study, 個一刻我係度諗其實我只係見份工姐點解有咁多test要做既。

比人甩底冇飯食, 好在仲有阿ida姐。之前同佢講呢排有工in, 佢寸我成日in in in, in完又唔做, 好似好enjoy in既過程咁, 我話係呀, 我最鍾意formal dress, 下次著出黎比佢睇。點知今日in完咁arm搵到佢陪我食飯, 勁開心。我知佢其實晏d有野做唔得閒, 食到咁上下, 柸野飲arm先黎左, 甜品未到我就不停叫佢快d走啦, 夠鐘喇喎, 仲唔走, 喂不如你走先啦, 勁講勁講。

終於都走喇, 落到去竟然橫風橫雨, 咩事先? 我好醒咁話唔緊要我有遮!!! 見d雨細左少少諗住行出去, 但d風吹晒d雨過黎, 拿拿臨lay入izzue避雨。但我唔明呢d情況有咩咁特別, 竟然有人拎部相機出黎影d雨同風, 真係好想訪問下, 呀小姐其實你影咩呢, 乜呢d情況好難得一見架咩? 我其實都好想拎部電話出黎影下個個姐姐仔, 但我都係冇, 因為我忙於避雨。等左陣見ok就行去mtr, 都係10步路姐, 有遮 = 冇, 因為我都係濕晒既, 早知唔出黎食飯啦!! 而家勁衰先, 話返ida, 佢話唔出黎米好lor, 係家可以 un un 腳。