唔係唔開心, 但又唔係話好開心, 好似好平淡咁, 冇咩事可以令到我開心或者傷心, 總之就係對咩都冇乜特別感覺, 心情指數係一條直線。
我最怕呢種感覺架喇, 好似對樣樣野都提唔起勁, 咩都唔想做, 對周圍既事物已經冇晒感覺, 好似一個麻木左既人, 就黎連聽到笑話都唔識笑架喇。好耐之前都試過咁樣, 突然間對所有野都冇晒feel, 好似無論發生咩事都唔關我事咁, 完全至身事外, 一丁點的感受都沒有。
同ida講, 佢話可能我既生活好平穩, 家人, 愛情, 朋友, 工作都ok, 雖不是完美但又沒什麼不如意, 只是一切剛好。可能就係咁平穩, 心情唔會話大起大落, 感受自然唔會深。而家連聽歌同睇書都冇咩mood, 因為好似冇咩共鳴咁。
佢咁講我都有d認同, 但問題在於我連感激既心都冇埋, 呢個先係main point. 以前我成日覺得自己好幸福, 因為樣樣野都叫ok, 亦好滿足於現象。但而家, 好似咩感覺都冇晒, even搵到份ok既工, 但都冇興奮既感覺, 好似有同冇都一樣咁。
唉...究竟我呢個病幾時先會好返?
No comments:
Post a Comment