中左mark 6

好開心...開頭睇電視以為自己中左2個半字...點知上網睇多次,,,

hehhehe....原來中左3個半字..有160蚊..

雖然唔多, 但已經好開心...即刻用150買返30期,,,

我要累積咁繼續中獎!!!!!!!!!!!!!!!

累積一定既獎金之後會洗晒佢,,,,,hohohohoho

*************

講少少返工野先...

我呢2年幾3年返工都有unifrom著, 基本上日日都好是但咁返工, 而家冇得著喇, 要著得整齊d咁我米走去買d恤3同埋西褲個d, 點知呢2日返工, 好似得我一個著得咁formal咋喎,,其他同事都唔係..但唔著呢d我冇3喇喎,得返背心, t-shirt, 牛仔褲/短褲...

我諗呢2日我都仲會著得好斯文, 等weekend再去買lor

另外, 3點幾時阿gm走過黎話4:30有個meeting講下新野, 上到去原來係conference call..用左舊好似雀仔腳咁既野黎同其他asia-pacific region offices 一齊開呢個conference!!!!! 我覺得好勁, 我第1次見咋...其實呢間公司d野都好high-tech..電話都係wireless..可以帶住個headset周圍走都得, 終於唔洗再成日夾住電話黎講搞到膊頭痛lu...電腦又新個芒又大過以前office個個好多..真係好開心, 我最鍾意公司d野咁新又靚..

仲有啊..張"木台"好大張架, 我竟然有d唔習慣, 因為以前冇咁多位同櫃擺野架, 而家突然間多左咁多空間我好開心, 不過唔知放d咩好呢..

仲有仲有, 呢份工係唔洗打卡既...用"do"架..但好似都唔會check有冇遲到...好爽啊!!!

p.s.我今日終於忍唔住, 開左陣msn黎玩..=p
但聽日我manager返工..唔知仲可唔可以玩呢?