望子成龍

今日聽到同事講起自己既仔女,

佢地都只不過仲係小學生, 但我d同事已經比好大壓力佢地了

有個同事a, 有2個女, 其中一個好似係小5, 另一個我唔知,

佢話2個細路既補習同埋學琴一個月就已經萬幾蚊,

佔左佢大部份人工, 我懷疑係佔左我成份糧lor...

單係補英文就好似係5百幾蚊 (好似係5百幾蚊2個鐘)

小5咋喎, 當年我幫一個小5補全科都只不過收$60一個鐘..

仲有, 佢話聽到個女考完試個日話覺得自己考得麻麻令佢好擔心,

到左今日知成績, 緊張到好似放會考咁,

我真係好想問, 有冇咁誇張呀,

如果小5都已經咁樣, 借問聲真係中5放榜個日米甚至a-level 大學放榜又點呢?

另一個同事k, 個女只不過係小1,

成績比上次差左少少, 但佢已經大為緊張, 仲話要幫個女補習!!!!!!!!!!!!

究竟係我大鄉里定係其實而家個個家庭既仔女都係由幼稚園開始已經補習?

咁樣唔係會比過多壓力佢地既咩?

如果我第時有個b, 我想同佢一齊玩下nds用多d個腦

玩wii當做下運動,

我只想我既b會開開心心, 對樣樣事物都咁有興趣,

培養佢主動學習既性格, 好似d外國教育咁

一邊玩遊戲一邊從中學習, 我唔想日日迫佢死背書,

但最好學多幾種languages, 最重要英文talk得,

第時去教人, 收返500一個鐘, 一日教返2個鐘就夠了,..

wah...好似好美滿咁喎......

p.s.今個月洗得太多錢, 而家得返500用到月尾, 慘