on居女

我尋日真係好on居, on居指數有99..差少少到100

我約左人放工之後去新世紀, suppose我係搭mtr既,
因為公司樓下就係地鐵站..
但我呢排著high heel著到對腳好累, 唔想行咁多路.
米上網睇下有冇巴士搭lor
又咁arm比我check到有喎, 仲要又係公司樓下搭, 又去到新世紀
心諗呢個世界太美好喇,
拿拿林寫係張memo紙再貼係枱面諗住放工睇多次

放工前幾分鐘又我上9巴個網, 打"109"睇下
見到係上環去何文田
咁我記得今朝check個架又係去唔知咩田, 咁我心諗何文田冇錯啦
通常都係去左mk再去何文田, 而且又呢架車又係$8.9
咁我張memo紙睇都冇睇就由得佢繼續貼係枱就閃人放工,
落到樓下, 見到新巴109, 我同事話係一樣既咁我米上車lor,
點知搭搭下唔對路, 點解去左愛民村既? 咁米即係已經去左何文田
搭多一陣見到好多人落車我忍唔住問c機..
c機大哥話唔經新世紀架喎!!!!!!!!!!!!!!!!!!!!!!!!!!!!!!!!!!!
最後唯有搭的士......
慘到暈呀, 開頭諗住食串魚旦先去做yoga,
而家勁遲先去到, 拿拿林換3就入課室
餓到暈呀!!!!!!!!!!!!!!!!!
搞到我冇心機做yoga, d動作都求其做,
不過做做下又覺得好好玩,
其實我d gun 好硬, 好多動作都做唔到,
唯獨係個d將d手手腳腳 q 埋一齊個d我又做到喎
可能我手長腳長易d掛...hahha

做完yoga我都仲有d嬲,  我明明肯定係109架喎, 唔通新巴同9巴真係唔一樣?
越諗越嬲, 決定去食扒先可以洩我心頭之憤呀!!!!!!

返到屋企, 唔憤氣再用point to point咁check多次
....................
原來我要搭既係 104.............
而呢架車我之前就已經搭過架喇...
um.....我真係覺得自己好on居,
之前仲係度話如果係因為9巴改左線冇update個website我一定會complain..
睇黎有問題個個係我,..
shit!!
............我決定唔做sit up一日...bye