唔耐煩

呢2日唔知咩事心情好煩燥, 好似樣樣事都令到我好唔耐煩咁,

有時放工返屋企我真係唔想講野, 偏偏呢個時候就緊係有d人走過黎煩你,

勁cher你, 係都要同你講野, 其實我已經講過好多次, 我放工返到黎係唔想講野的,

比返半個鐘break我得唔得呀, 講遲一陣唔洗死,

仲有, 問去邊食飯, 其實問黎仲咩呢, 次次都話遠唔想搭車出去,

話係樓下食, 咁樓下都冇野揀啦, 得間大家lok同埋茶樓之嘛,

仲咩成日問去邊食je...自己想食咩米講lor...

我唔係心入面個條蟲, 我真係唔知你想點, 呢樣唔食個樣又話唔好,

有時我真係覺得好煩...

好想講一句米鬼食啦,

唉...其實我同佢都好似, 大家都冇咩耐性, 郁d就會發脾氣,

呢d係米叫做遺傳?

我發覺我真係控制唔到自己,

係呢d咁熱既天氣底下, 我真係郁d就會發憫

少少事都睇唔順眼,

呢個時候我唔想有人煩我,

比返d私人空間我, 由得我自己lay埋一邊靜一靜就可以了

我好怕係呢個時候仲有人行埋黎同我講一大堆野

話我又好, 講道理都好,

sorry, 我真係唔想聽, 要講就講個笑話氹我得唔得呀?

我好累了...

結果我今日唔耐煩左1日, 最後自己拎部nds出黎玩應援團

個game係幫人打氣的, 我順便幫埋自己打氣..

cheer up pls ~